အကျဉ်းချုပ်

သာမန်လူတစ်ယောက်ဖြစ်တယ့် Saitama ဆိုရင်တော့ အချိန် သုံးနှစ်ကာလအတွင်း အပြင်းအထန်လေ့ကျင့်မှုများကြောင့် နှိုင်းဆမရနိုင်အောင်ကြီးမားသော ခွန်အားများကို ပိုင်ဆိုင်ခဲ့ပြီး မည်သည့်ရန်သူကိုမဆို လက်သီးတစ်ချက်ထဲနှင့်သာ အနိုင်ယူနိုင်ခဲ့လေသည်။ သူ၏ စွမ်းအားများကို ကောင်းသောနေရာများတွင်သာ အသုံးချနိုင်ရန်အတွက် ဟီးရိုးတစ်ယောက် လုပ်ရန် ရွေးချယ်ခဲ့သည်။ သို့သော်ငြားလဲ မကောင်းဆိုးဝါး ရန်သူများကို လွယ်လင့်တကူပင် အနိုင်ယူနိုင်သည့်အတွက် ထိုအလုပ်အပေါ် ပျင်းရိလာခဲ့သည်၊ ထို့ကြောင့် သူ့အား စိန်ခေါ်နိုင်သည်အထိ အင်အားကြီးမားသော ရန်သူများကို လိုက်ရှာရင်း ဟီးရိုးတစ်ယောက်ဖြစ်ရခြင်း၏ အနှစ်သာရအား ပြန်လည်ရရှိစေရေးအတွက် ကြိုးပမ်းခဲ့သည်။ Saitama ၏ ဧရာမ ခွန်အားများကို မျက်မြင်ကိုယ်တွေ့ ကြုံလိုက်ရသော စက်ရုပ်လူသားတစ်ဖြစ်လဲ Genoa သည် Saitama ၏ တပည့်တစ်ယောက်ဖြစ်လာရန် စိတ်ပိုင်းဖြတ်ခဲ့သည်။ ထို့နောက် များမကြာမီအချိန်အတွင်း Saitama သိလာရသည်မှာ ဟီးရိုးအဖွဲ့အစည်းကြီးနှင့် ဆက်နွယ်မှုမရှိဘဲ တစ်ကိုယ်တော်လှုပ်ရှားနေခြင်းကြောင့် လူသိများမလာရခြင်းပင် ဖြစ်သည်။ မိမိ၏ သတင်းအား လူအများသိလာစေရန်အတွက် အဖွဲ့ဝင်ရန် ဆုံးဖြတ်ခဲ့ပြီး Genos အားတစ်ပါတည်းခေါ်လျှက် တပည့်အဖြစ်လက်ခံရန်ပါ ဆုံးဖြတ်ခဲ့သည်။ ယခုအခါမှာတော့ ဆရာတပည့် နှစ်ယောက်လုံးသည် စစ်မှန်သော ဟီးရိုးများဖြစ်လာစေရန်၊ သန်မာသောရန်သူများအားရှာဖွေတိုက်ခိုက်ရန် စွမ်းစွမ်းတမံ ကြိုးစားလျှက်ရှိပြီး လူအများ၏ လေးစားသမှုပါရရန် ကြိုးပမ်းနေကြလေသည်