အထက်တန်းကျောင်းမှ မာရဏခေါ်သံ

အကျဉ်းချုပ်

သာမန်နေ့လေးတစ်နေ့မှာ အသိစိတ်လွတ်နေတဲ့ လူသားစားဇွန်ဘီတွေ ရုတ်တရက်ကြီး ပေါ်လာပြီးတော့ ငြိမ်းချမ်းနေတဲ့ လူနေမှုအဖွဲ့အစည်းတစ်ခုလုံးကို မင်းမဲ့စရိုက်ပတ်ဝန်းကျင်အဖြစ် ပြောင်းလဲသွားစေခဲ့ပါတယ်။ဖူဂျီအထက်တန်းကျောင်းက အထက်တန်းကျောင်းသားလေး Takashi Komuroက အဲ့ဒီဇွန်ဘီတွေ သောင်းကျန်းနေတာကို ကိုယ်တိုင်တွေ့မြင်ခဲ့ရပါတယ်။အဲ့ဒီ့နောက်မှာတော့ သူက သူ့သူငယ်ချင်းတွေဖြစ်တဲ့ Rei Miyamoto နဲ့ Hisashi Igou တို့နဲ့အတူ ကျောင်းခေါင်းမိုးထပ်ကိုသွားပြီး ဇွန်ဘီတွေရန်ကလွတ်အောင်ရှောင်ရှားပါတော့တယ်။ ဒီ အထက်တန်းကျောင်းမှ မာရဏခေါ်သံ ဇာတ်လမ်းမှာ Takashi နဲ့ Reiတို့က ဇီဇာကြောင် ဂွကျတဲ့ အုပ်စုဖြစ်တဲ့ Kendo (ဓားသိုင်း) အသင်းက Saeko Busujima,ကျောင်းမှာ စာတော်တဲ့ Saya Takagi,ကျောင်းဆေးပေးခန်းမှ သူနာပြု Shizuka Marikawa နဲ့ သေနတ်တွေကို စွဲလန်းနေတဲ့ အိုတာကု Hirano တို့နဲ့တွေ့ဆုံခဲ့ပါတယ်။သူတို့တွေအချင်းချင်းမှီခိုအားကိုးကြပြီး အသက်ရှင်ရဖို့အတွက် ရုန်းကန်ကျော်ဖြတ်ကြမယ့်အကြောင်းကို ရသစုံလင်စွာ ရေးသားဖော်ပြထားတဲ့ စိတ်ဝင်စားဖွယ် ဇာတ်လမ်းကောင်းလေးတစ်ပုဒ်ဖြစ်ပါတယ်။